ھندو ڇوڪريون رڳو شادي لاءِ مسلمان ٿين ٿيون جيڪڏھن ڀرچونڊي وارا بزرگ ڪنھن ھندو ڇوڪري کي پنھنجي ڌي يا ڀيڻ جو سڱ ڏين تہ ھو بہ خوشي سان مسلمان ٿيندا ۽ اسلام
جو نالو روشن ٿيندو..
چيم:
ڀرچونڊي وارن ڀلا ڪنھن ھندو ڇوڪريءَ سان مسلمان ٿيڻ لاءِ اھو شرط رکندا آھن ڇا تہ فلاڻي مرد سان شادي ڪندين تہ توکي ڪلمو پڙھائي مسلمان ڪنداسين نہ تہ ڪلمو ڪونہ
ھو صرف ان کي ان جي مرضي مطابق مسلمان ڪري تحفظ ڏيندا آھن باقي شادي ڪرڻ يا نہ ڪرڻ اھو ڇوڪريءَ جو پنھنجو ذاتي فيصلو ۽ عمل ھوندو آھي ۽ ھوءَ پنھنجي رضا خوشي سان پنھنجي چاھيندڙ سان شادي ڪندي آھي ان تي ڪنھن بہ قسم جو ڪو جبر ناھي ھوندو ۽ اسان بہ ان جي صرف مسلمان ھئڻ جي ئي حمايت ڪندا آھيون ڪنھن مخصوص مرد سان شادي ڪرڻ جا اسين ھرگز حمايتي ناھيون.
اھڙي طرح جيڪڏھن ڪو ھندو ڇوڪرو بہ مسلمان ٿيڻ لاءِ ڀرچونڊي وارن وٽ ايندو (ڪيترا ئي ھندو ڇوڪرا انھن وٽ اچي مسلمان ٿيندا بہ رھن ٿا) تہ انکي بہ ھو ڪلمو پڙھائي مسلمان ڪندا ۽ تحفظ ڏيندا باقي ڪنھن سان شادي ڪرڻ يا نہ ڪرڻ ان جو پنھنجو ذاتي فيصلو ھوندو جيڪڏھن ھو بہ ڪنھن مسلمان ڇوڪريءَ کي چاھيندو ھوندو ۽ اھا ڇوڪريءَ بہ ان سان شادي ڪرڻ لاءِ تيار ھوندي تہ پوءِ ڀلي ان سان وڃي شادي ڪري ڪير بہ انکي ڪونہ روڪيندو... جي نہ تہ ان جي بہ ڪنھن نہ ڪنھن مسلمان گھراڻي مان شادي ضرور ٿيندي اڄ تائين ڪو نومسلم ڇوڪرو ڪنوارو ناھي رھيو جيڪي بہ مسلمان ٿيا انھن جون مسلمان گھراڻي مان شاديون ٿي ويون ۽ صاحب اولاد بہ آھن.
جيڪڏھن توھان سمجھو ٿا تہ ھندو ڇوڪريون صرف شادي جي ڪري ئي مسلمان ٿين ٿيون تہ پوءِ سوشل ميڊيا تي جک ھڻڻ ۽ واويلا ڪرڻ بدران ان جو بھترين حل اھو آھي تہ توھان سڀ قوم پرست، ڪامريڊ ۽ لبرل ھمت ڪري اھو اعلان ڪيو تہ ڪابہ ھندو ڇوڪريءَ شادي لاءِ مسلمان نہ ٿئي اسان بغير مسلمان ٿيڻ جي ان جي شادي پنھنجي پٽن سان ڪرائڻ لاءِ تيار آھيون مان سمجھان ٿو ان سان توھان جو مسئلو حل ٿي ويندو جيڪڏھن توھان جا پنھنجا گھروارا توھان جو ساٿ ڏين ۽ ھندو بہ توھان کي سڱ ڏيڻ لاءِ تيار ٿين تہ پوءِ ھمت ڪيو ھندو برادري جو ساٿ ڏيو ۽ ھندو ڇوڪرين کي مسلمان ٿيڻ کان بچايو.. عدالتن ۾ نٿا وڃي سگھو تہ اھو تہ ڪري سگھو ٿا ڪجھ عملي قدم کڻي ڏيکاريو..
پر جي توھان جي پنھنجي گھر ۾ ئي نٿي ھلي يا ھندو توھان جي پٽن کي پنھنجي ڌين جي قابل نہ ٿا سمجھن تہ پوءِ سوشل ميڊيا تي ھروڀرو جي جک ھڻڻ جو فائدو؟؟؟
باقي ڪنھن بہ غير مسلم ڇوڪريءَ يا ڇوڪري جي مسلمان ٿيڻ سان اسلام جو نالو روشن ٿيندو اھو تاثر ۽ سوچ غلط آھي اسلام کي ڪنھن جي ضرورت ناھي بلڪ سڀني کي اسلام جي ضرورت آھي ڇاڪاڻ تہ اھو ئي خدا جو پسنديده ۽ سچو دين آھي جنھن کي قبول ڪرڻ سان سڀني جو پنھنجو اخروي فائدو آھي ۽ انکي ڇڏڻ جو پنھنجو ئي اخروي نقصان آھي.
✍️....... ابو طلحہ سنڌي
15/04/2023
کوئی تبصرے نہیں:
ایک تبصرہ شائع کریں